Dilondege muabonga diago. Longuga muabonga ndaga watshigina gulongesa ha gukotelesa matangi a ndando nu luholo Biblia idi mumonesa egi matangi ene adi a giamatshidia. Lola guzuela matangi ene a ndando mu mbimbi jiazonda jialeba. Longuga muabonga luholo ndaga yene yajiya gukuatesa athu adi gugutegelela. Toga nyuma ya Nzambi.

Kalegela mbimbi jidi mumonesa egi udi mutshiginyisa ndaga. Hafundo dia guzuela ndaga gifua luholo jidi jia gusonega mu mikanda, jizuele mu mbimbi jiaye hakhaye. Kalegela mbimbi jidi mumonesa egi udi nu gutshigina mu ndaga udi muzuela.

Zuela nu mutshima waye wagasue. Zuela mu dijui diatagana. Tangua udi muzuela, khala mutala athu adi gugutegelela.