چنگی طرحاں تیاری کر‌و۔‏ اوہدوں تک تیاری کر‌دے رہوو جدوں تک تُسی آپ سمجھ نہ جاؤ کہ خاص نکتے کیہڑے نیں تے بائبل چوں ایہناں نُوں کیویں ثابت کیتا جا سکدا اے۔ خاص نکتیاں نُوں سوکھے لفظاں چ دَسن دی کوشش کر‌و۔ نا‌لے سوچو کہ تواڈی تقریر چ دَسیاں گئیاں گلاں توں سنن والیاں نُوں کیہہ فائدہ ہوئے گا۔ یہوواہ خدا کولو‌ں پاک روح ضرور منگو۔‏

پکا یقین ظاہر کر‌ن والے لفظ استمال کر‌و۔‏ لکھی ہوئی معلومات نُوں ہوبہو پڑھن دی بجائے اپنے لفظاں چ دَسو۔ ایہو جہے لفظ چنو جنہاں توں ظاہر ہوئے کہ توانوں اپنی گل تے پورا یقین اے۔‏

جوش تے خلوص نا‌ل بولو۔‏ اِنج بولو کہ تواڈی آواز ساریاں نُوں سنائی دَوے۔ جے تواڈے علاقے دے حساب نا‌ل صحی ہووے تے لو‌کاں نا‌ل نظر ملا کے گل کر‌و۔‏