Akapapa meitaki. Tatau e oti akamanako marie kia mārama koe eaa te au manako puapinga, e eaa te au irava te ka turu mai i taau ka uriuri. Tauta i te akamārama i te reira au manako puapinga na roto i te au tuatua kare e ngata i te māramaia. Akamanako akapeea te reira me tauturu i te katoatoa. Pure no te tauturu a te vaerua tapu.

Taangaanga i te au tuatua ei akaari mai e kua papu ia koe taau e tuatua ra. Eiaa e tatau ua mai i te au tuatua i tataia i runga i te pepa, taangaanga i taau uaorai tuatua. Tuatua na roto i toou uaorai reo, ei reira e papu ei ia koe eaa taau e apii ra ki te katoatoa.

Tuatua na roto i te tu maru. Kia akapapu koe e ka rongo meitaki mai te katoatoa ia koe. Me ka tau, akara ki te katoatoa e akarongo maira i taau apiianga.