బాగా సిద్ధపడండి. ముఖ్యమైన విషయాలు ఏమిటో, అవి నిజమని బైబిలు ఎలా నిరూపిస్తుందో అర్థమయ్యేంత వరకు సమాచారాన్ని బాగా చదవండి. ముఖ్యాంశాలను తేలిగ్గా అర్థమయ్యే మాటల్లో చెప్పడానికి ప్రయత్నించండి. వినేవాళ్లకు సమాచారం ఎలా ఉపయోగపడుతుందో బాగా ఆలోచించండి. పవిత్రశక్తి కోసం ప్రార్థించండి.

మీకు గట్టి నమ్మకం ఉందని చూపించే మాటలు ఉపయోగించండి. ప్రచురణలో ఉన్న మాటల్ని ఉన్నదున్నట్లు చెప్పే బదులు, సొంత మాటల్లో చెప్పండి. మీరు చెప్తున్న సమాచారం మీద మీకు గట్టి నమ్మకం ఉందని చూపించే మాటలు ఎంచుకోండి.

మీకు నిజంగా నమ్మకం కుదిరిందని చూపించండి. తగినంత స్వరంతో మాట్లాడండి. మీ సంస్కృతిలో తప్పు కాకపోతే ప్రేక్షకుల కళ్లల్లోకి చూసి మాట్లాడండి.