AISISIAET NA 15
Aitogogongit Nuiyuunit Ijo
Iromayon 8:38, 39
NUIBUSAKINIT IJO ASWAM: Kiner kitogogongite ebe eraasi nuiyuunit ijo abeit ido kitodu ajokis naka akiro nuinera ijo.
EPONE LOISWAMAET:
-
Kitemonok ejok. Kisisiau akiro kitoni ijo amisiikin epone loitacaunitotor ikokoron luka Ebaibuli akiro nuebeit ijo einer. Kitosom akiro nuepataka kanu aitetemunia akiro nuepolok kotoma oinerikon. Kopodokinete epone loingarakiniata akiro nuinera ijo ikapupokokon. Kilip emoyo lokalaunan.
-
Kitosom akiro nuitogogongitos. Itia abongobong akiro nuiwadikatai toma oinerikon, kitosom akirokon nuepataka. Koseu akiro nuitodunitos ebe imisiikinit ijo ido itogogongit ijo akiro nuinera ijo.
-
Kitodu ebe ilelakinit ijo kopone loinerar ijo. Kiner keda eporoto loibecokina. Ipedori ijo ainyikokin asesen ikapupokokon konye ocoite iinakini kes aipup erono kanu epone loisesenia ijo kes.
