Fakatoka faka‵lei. Sukesuke ki te mataupu ke oko ki te taimi ko maina koe i pogai faka-te-Tusi Tapu e fakamaoni mai i ei te ‵tonu o se manatu. Taumafai o fakamatala atu a manatu tāua i tau lāuga i se auala faigofie. Saga tonu ki te aoga o te manatu tenā ki au tino fakalogo‵logo. ‵Talo ke maua te agaga tapu.

Fakaaoga a pati kolā e fakaasi atu ei te mautinoa i a koe. I lō te faka‵foki atu faeloa o pati i loto i se tusi, fakaaoga au pati totino. Fakaaoga a pati kolā e fakaasi atu ei me mautinoa i a koe au pati e fai.

Fakaasi ‵tonu atu me mautinoa ‵lei i a koe au fakamatalaga. Faipati i se leo maluga ‵lei. Kilo ‵tonu atu ki mata o au tino fakalogo‵logo māfai e ‵lei ke fai penā.