Mangandam hin maopay. Admi an reperensya tubtob nga masabtan mo kon ano an nangunguna nga mga punto ngan kon paonan-o ginpapamatud-an han Biblia nga tinuod ito. Pangalimbasugi nga maipahayag an nangunguna nga mga punto ha pipira la ngan simple nga mga pulong. Pagpokus kon paonan-o ito mapapahimulosan han imo mamarati. Pag-ampo para han baraan nga espiritu.

Gamit hin mga pulong nga nagpapakita han imo pagtoo ha imo ginyayakan. Imbes nga utruhon an eksakto nga mga pulong han iginpublikar nga reperensya, gamita an imo kalugaringon nga mga pulong. Pagpili hin mga pulong nga nagpapakita nga sigurado ka han imo ginyayakan.

Ipahayag an imo presentasyon nga may kombiksyon ngan sinseridad. Pagyakan nga may igo nga kadaku han tingog. Kon diri nakakainsulto, kitaa an imo mamarati.