Kubama bumboti mboti. Longuka disolo diaku tii wela zaba bumboti mabanza ma mfunu ma disolo beni ayi phila yo ziverse zi Bibila zilembo monisina kiedika ki diambu beni. Tula ngolo wubimisa ziphova zi mfunu zi disolo diaku mu kambu tuba buwombo ayi mu bunianguka. Tula thalu mu mfunu wo disolo diaku diela bela kuidi batu bo bela kuwa. Sambila muingi wubaka pheve santu.

Sadila ziphova zio zimmonisa ti wulembo kikinina mambu mo wulembo tubi. Va buangu ki vutukila kaka ziphova zio zisonimini mu plan voti mu nkanda, sadila ziphova ziaku veka. Ba thubulu yo yimmonisa ti wulembo kikinina ngeyo veka mambu mo wulembo tubi.

Tuba mambu mo mabedi mu ntim’aku. Tuba mu mbembo yi fuana. Enati yisi ko mbimbi ko weta vuanda, thangu zinkaka talanga bizizi bi batu bo balembo landakana.