Guca preparar chaahuiʼ. Biʼniʼ estudiar información ca dede ra guiéneluʼ ca idea principal stini ne ximodo rusiene Biblia dxandíʼ cani. Biʼniʼ stipa gusiéneluʼ ca idea stini né chupa chonna diidxaʼ si ne cadi guʼnuʼ ni nagana. Guníʼ ique ximodo zacané información ca cani cucaadiaga lii. Gunabaʼ Jiobá gudii lii espíritu santu stiʼ.

Biquiiñeʼ diidxaʼ ni guni convencer. Lugar de gúʼndasiouʼ ni cá lu guiʼchiʼ stiluʼ, bisiene ni né ca diidxaʼ stiluʼ. Biquiiñeʼ diidxaʼ ni gusihuinni nuuluʼ seguru de ni caniʼluʼ.

Guca sinceru ne guníʼ de guidubi ladxidoʼloʼ. Guníʼ biaʼ gunadiágacabe lii. Ca lugar ra qué raca ofender binni la?, zanda guuyadxiluʼ laacaʼ.