E bahan mu wosakolah woheikang te. Topik nuku E wosakolah ba de omi misei te. E heiur mipaneng, topik hedi hefalaka E wobesar mu sederhana ya loring ba e miahiy he e puna kang.

Kalimat namati loring ba sederhana ya buy he puna. Opi wal wofang ba e loring lohi wofang te. Haba, gagasan ba kul penting e wofang mia, kalimat ya loring ba buy e puna kang.

Istilah ba wal te puna na hefalaka wobesar. Ko kang mati, istilah ba ama wal te puna na mati, doma puna na. Istilah ba ama wal te puna na hedosama tokoh Surah Rieling mia ba ama wal te hiyeng na, namati satuan ukuran ya kebiasaan asing mia hei omaha puna mati, he falaka afena bay e miwofang te.