Gaˇ kawˆ˗ahˇ yaw muiˬ˗ehˇ poˆ tseˇ. Yawˬ ha˗euˬ dawˬ˗ahˇ zmˬ˗awˇ yaw awˬ awˬ˗ehˇ dzawˇ nehˬ nya˗eu gʼaˇ duˬ, gaˇ kawˆ˗ahˇ yaw muiˬ˗ehˇ ya gʼoˆ shaw taˬ.

Yaw awˬ yaw nymˇ nymˇ˗ehˇ gʼeh˗eu dawˬ zmˬ. Aˬ dui dawˬ tsuiꞈ yaw mahˇ˗ahˇ ya ngehˬ laˇ˗eu baw kʼawꞈ, aˇ yeˇ huiˬ˗eu tsahˇ˗ahˇ ngehˬ keuˆ ngeh, yaw nymˇ nymˇ˗ehˇ gʼeh˗eu dawˬ˗ahˇ zmˬ.

Yaw kʼaˆ˗ehˇ maˬ gaˬ haw˗euˬ dawˬ jaˆ naˇ dzawˇ mehˬ nehˬ. Gʼeh nya naˇ, naˇ haˬ luꞈ˗eu deuˬ maˬ gaˬ haw˗eu dawˬ taˬ zmˬ. Paˇ zmˬ˗euˬ naˇ kʼawꞈ, yaw jeˬ ma jeˬ Jaˇliꞈ laꞈ kʼoeˇ˗euˬ yaw kʼaˆ˗ehˇ maˬ ya gaˬ haw˗eu tsawˇ haˬ deuˬ˗ahˇ maˬ ehˇ, gaˇ hu ba˗euˬ dehˬ˗eu dza˗eu keu ka hawˇ˗eu zahˇ sahˇ kʼoꞈ deuˬ˗ahˇ maˬ ehˇ, heu deuˬ˗ahˇ ngehˬ keuˆ ngeh ya dzawˇ lahˬ nehˬ.