Ng’ei ponji peri cuu. Lar inyang’ cuu mandha i gin m’ibeciponjo, kara iwok ikore akora yot yot m’umbe nisome asoma.

Tii ku wec m’adundo man ma yot. Kadok etie rac ungo nitio ku wec ma boco boco de, re etie miero nitio ku wec ma dungulu dungulu pi niyero lembe ma pigi tek.

Kor i wec ma jung’eyo ngo. Kud itii akeca ku wec ma dhanu m’ubewinji ging’eyo ngo. Dong’ kan ibetio ku wec moko ma dhanu ng’eyo ngo, kunoke ibekoro pi ng’atu moko ma Biblia uweco pire ma re jung’eye cuu ngo, kunoke ibeweco pi jam pimopiny kadi kit suru ma con, e ber ya ikor ie.