ˈCƖƐCƖƐKÏBHË 17
Kïbhï -n -sɛsɛnɩɛ -gömö, wa nɩ ˈnwi ˈmö ˈtɩɩ
1 Kɔlɛɛtɩ 14:9
ˈSAA -N ˈKÄÄ NƲ: Wɛlɩɩ -n -wʋä bhïla dɔˈwʋ, kwänɩ ˈyukwlipʋnɩwaa wa ˈkä sɛ yɩ sɛɛ zɛmö ˈmö ˈnʋ.
SƐƐ -N ˈKÄÄ ˈZƲ:
-
ˈCɩɛ sasɛ ˈsaa -n ˈkää bhïla. Kïbhëa -n ˈkää ˈmö -sɛsɛnɩ, -n kä -n ˈka sasɛ ˈmö ˈnʋ. -Lɛ a dɔˈwʋ, -n ˈka dlɩ -gömö -sɛsɛnɩ ˈtɩɩ, wa ˈka -pa ˈmö ˈnʋ.
-
-Naˈa wɛlɩkïbhï nɩ tɩ ˈmö ˈbhʋɔ. Mii ˈnɩɛ zɛmö -sɛ nɩɩ, -n ˈnaa ˈkäaˈaa wɛlɩkïbhï -yɩ ˈbhʋɔ ˈmö bhïla ˈlɩlɩlɩ. Maa, kïbhï -yɩ kää dɛsɛ, -n -kii bhïlaa yi, ti ˈmö ˈbhʋɔmanɩ ˈn bhïla sɛ wa ˈkiɛ ˈmö ˈnʋ a sɛ.
-
Wɛlɩkïbhï a -mi waˈaa -tiawʋ -yi, -sɩɩ zɛmö. Wɛlɩkïbhï ˈyukwlipʋnɩwaa ˈnɩɛ -tiawʋ -yi, tɩ yɩ -bɛ -mä -naˈa bhïlabhuluu ˈmö ˈzʋ. -N -kä Biblë ˈmö a nɩkpɛ a gbʋ bhïla, -mumuë a bɛyɩ a ˈzʋzʋsa, Biblë a ˈtɛɲɩ ˈmö a -lii wa yɛkanɩɛ ˈmö, ɛ -käˈɛ wɛlɩkïbhï a -mi ˈyukwlipʋnɩwaa ˈnɩɛ -tiawʋ -yi, -sɩɩ sasɛ zɛmö.