Stodi di infamayshan gud gud. Andastan di tapik gud soh dat yu ku eksplayn it eena yu oan werdz an eena wahn way weh eezi fi andastan.

Yooz shaat sentens ahn simpl frayz. Notn rang fi yooz lang sentens, bot if yu waahn mek shoar dat adaz ku andastan yu mayn points, ih beta fi yooz sentens weh shaat ahn tu di point.

Eksplayn werdz er frayz weh noh kaman. Noh yooz tu moch werdz er frayz weh yu aadyans noh andastan. Bot if yu haftu, den eksplayn weh ih meen. An if yu menshan wahn persn fahn di Baibl, er wahn mezhament er kostom fahn Baibl taimz, den gi wahn eksplanayshan.