LEKSIÓUN 17
Yusu humá dimurei le gunfurandawati buidu
IDA LUBA HADÜGÜNI?
-
Aturiaha huméi ariñahani buidu. Mosu gunfuranda humani ariñahani buidu lun gayara lan hafuranguagüdüni lidan aban igaburi le ménrengunti gunfurandawa lan ani kei ligaburi hayanuhan.
-
Mibelá dimurei hayusurun gunfurandawa láamuga le hariñagubei. Lau sun mariban lan hariñagun saragu katei, buítimati hayusurun fiuraü dimurei danme híridun somu puntu súdiniti.
-
Afuranguagüda huméi dimurei burí le lóuguabei lasubudirúniwa. Díseguala hayusurun dimurei le ibidiñewati ani danme híridun somu échuni le lánina binadu dan, gürigia le uáguti tadimureha Bíbülia o dimurei burí le ayusurúbei lun layanuhóun luagu lueirin, lidise o lihürü katei le ibidiñeti houn gürigia, mabulieida huméi hafuranguagüdüni.