CAWN DINGMI 17
An Hngalhthiam Nakhnga Bawmhnak
TUAH KHAWH NING:
-
A konglam kha ṭha tein hlathlai. A konglam kha ṭha tein hngalhthiam khawh awkah hlathlai. Cutin na tuah ahcun nangmah bia in le fiang tein na chim khawh lai.
-
A tawimi catlang le hngalh a fawimi biafang rual hna kha hmang. A saumi catlang hna hman khawh a si ko nain a biapimi kong hna langhter awkah a tawi i a fiangmi biafang rual le catlang hna kha hmang.
-
An hngalh lomi biafang hna kha fianter. A si khawh ahcun a ngaitu nih ṭha tein an hngalh lomi bia kha hmang hlah. Ṭha tein an hngalh lomi biafang, Baibal tuanbia, hlanah hmanmi tahnak asiloah phunglam pakhatkhat kong na chim ahcun a konglam kha fianter.