Etidye byen ou lenformasyon. Konpran ou size byen pour ki ou kapab eksplik li dan en fason senp e dan ou prop mo.

Servi bann fraz kourt e senp. Menm si ou kapab fer bann gran fraz, i pli bon si ou fer bann fraz kourt pour fer resorti bann pwen enportan.

Eksplik bann term ki dimoun pa tro abitye avek. Pa tro servi bann term ki ou lodyans pa abitye avek. Si ou pe koz lo en keksoz ki dimoun pa tro familye avek, parey en mo, en personnaz dan Labib, en mezir (distans, pwa) oubyen en koutim, donn en leksplikasyon.