Nen̄ede fiọk se oyomde nditịn̄. Yak se oyomde nditịn̄ enen̄ede an̄wan̄a fi man ekeme ndinam enye an̄wan̄a owo en̄wen.

Kûyak ikọ fo ọnọniọn̄ akaha. Kpa ye oro mîdiọkke nditịn̄ ikọ emi ọniọn̄de, ama oyom nditịn̄ akpan n̄kpọ, kûyak ikọ fo ọnọniọn̄, yak edi mbio mbio.

Nam ikọ fo an̄wan̄a owo. Kûwak nditịn̄ ikọ emi mme owo mîdiọn̄ọke. Edieke anade etịn̄ ikọ emi ndusụk owo mîdiọn̄ọke, ekpededi ikọ Bible, nam enye an̄wan̄a owo.