17 NU GÈ NÒ
Naa Ní E Dõòna Gbò É Dã́tẽ́ Ló O Bel
1 Kọ́rìnt 14:9
GE KỌ́ MM̀ ŃKPULU BÁ: Nvèè bá nè gbò e bà gé pãané ni tṍ ló kọ bàá dã́tẽ́ ló kà ea di mm̀ o bel.
BÉ EO É NÁA NAA:
-
Palàge nó tení boo kiẽ́e eo lòbèl aà. Palàge dã́tẽ́ ló togó o bel kọbé ò láá tú gbò moǹ bel ea válí gè dã̀ bààmà tẽ́ vaá ò ló bel belí bé eo ólò ló bel naa.
-
O bel á valí gè dã̀ vaá á gá bọgí tã́á. Náa kal ló béè kọọ̀ à íe tṍó e bel é láá bọọ́ tã́á, tú gbò moǹ bel e náa bọọ́ tã́á bààmà tẽ́ gbò pọ̀bkà gá ea di mm̀ o lòbèl.
-
Baatẽ́ gbò moǹ bel e náa kuua dẽè gbò nen. Ó gá bọ̀ọ̀gẹ̀ tú gbò bel e gbò e bà gé pãané ni tṍ ló náa dã́ ból ló loomá bel. Be ò túù moǹ bel ea tavàlà ge dã̀ loomá bel, dì belí béè nen ea di mm̀ Kpá Káí, àbèè bé e ba beè olòó dò nu náa deè kéléá àbèè ba nàànù kũnukẽ̀, palàge baatẽ́.
