IHE ỌMỤMỤ NKE 17
Ikwu Ihe Ndị Ọzọ Ga-aghọtali
OTÚ Ị GA-ESI EME YA:
-
Mụọ ihe omume gị nke ọma. Gbalịa ghọta isiokwu ihe omume gị nke ọma ka i nwee ike iji okwu nke aka gị kọwaa ya otú ga-adị mfe nghọta.
-
Jiri okwu ndị dị mfe na okwu ndị na-etoghị ogologo kọwaa ya. Ọ bụ eziokwu na i nwere ike iji okwu ụfọdụ dị ogologo kọwaa ihe n’okwu gị, jiri okwu ndị dị mkpirikpi mee ka a ghọta isi ihe ndị dị n’okwu gị.
-
Kọwaa okwu ndị na-ege gị ntị na-amaghị nke ọma. Ọ kacha mma ịghara ikwu ihe ndị na-ege gị ntị na-amaghị. Ma ya dị ezigbo mkpa na ị ga-ekwu ihe ha na-amaghị, dị ka ndị a kọrọ akụkọ ha na Baịbụl, ihe ndị e ji atụ̀ ihe n’oge ochie ma ọ bụ omenala ndị oge ochie, kọwaa ha.