ANG ỌJẸ́JẸ 17
Họ ká Angịkịla a Wo Etu nya Ẹla Nyang
1 Ala ịKọrịntị 14:9
ẸLA ỌLẸ KÁ KA HỌ: Da angịlẹ kị wẹẹ ke ụrụ wo lang ụbwọ nyọka jẹ́ etu nya ẹla ọlẹ ká wẹẹ ya.
JAABWỌ KÁ KA BWU HỌ ỊNYỊ:
-
Nwụla ẹla ọlẹ ká wẹẹ ka mẹjẹ nọ yẹẹyẹẹ: Jẹ́ ẹla ọlẹ ká wẹẹ ka mẹjẹ kpori-kpori, chajị á ka jẹ́-ẹ wụlọọ dodehe kpete-kpete la omyi ẹla nya ịlọng.
-
Ẹla nyang a ludiyo lụmẹ ka. Nanana nyori ẹla oludiyo á tịpyọ ka, áà maga ká gba ahị nya ẹla kpehe la omyi ẹla o-kpii ọlẹ kọ la kpụrụrụ.
-
Ya etu nya omyi ẹla ịlẹ kị lujwo. A kpa omyi ẹla ịlẹ ká angịnyị á jẹ́ ka, ya ẹla lụmẹ ka. Kori ọ́ baba nyọka ya ẹla rụ́ omyi ẹla ọhẹ, lee ọngọhẹ ẹ-ẹpwụ nya ịBayịbụụ ọlẹ ká angịnyị á jẹ́ ka, lee ọhọhọ nya alene, lee ori nya ang omeme nya alene, ọ baba ká ka ya etu nyamwụ ịnyịnyị.
