HKAJA 17
Kaga Masha Ni Hpe Chye Na Shangun Ai Lam
1 Korinhtu 14:9
KADUN DAWK: Nang tsun ai lam a lachyum hpe, madat nga ai ni chye na hkra karum ya u.
GALAW MAI AI LAM:
-
Nang tsun na lam hpe atsawm sha hkaja u. Tsun na lam hpe atsawm sha chye na da yang, nang manu ai ga si hte asan sha sang lang lu na re.
-
Ga yan kadun ni hte chye na loi ai ga si ni hpe lang u. Galu ai hku tsun ai hpe hkap la ai raitim, madung lam ni hpe ga yan kadun hku sha tsun dan u.
-
Nau n hkau ai ga si ni hpe sang lang dan u. Madat nga ai ni nau n na ga ai ga si ni hpe, mai byin yang hkum tsun. Nau n lang ga ai ga si ni, Chyum Laika kaw na masha ni, moi prat na shadawn shadang ni hte moi prat na htung hking ni a lam tsun ra na nga yang, sang lang dan u.
