LISHOMO 17
Tangola kwainamuna yakwigwiniya
1 Vakolintu 14:9
IKUVAIKIDILE UTENDE DASHI: Vapwashele vanu vakwigwilíla pakulota vaigwe shana mana la ntenga wako.
MWAKUTANDELA:
-
Manya shana ntenga wako. Likanyalidye kumanya shana ntenga pakulota uluule kwigwiniya kwaindila íkakamadyanga na kwamalove lako.
-
Tumila malove mangwipi na lákakamadyanga. Ata ikava kenga ulota kutumila malove lakulepa, kudyanga utumile malove mangwipi pakulota uvalangange dimbande dikumene.
-
Igwiniya malove lákamanyikana. Haunatumile malove loe lavakamanya vanu vakwigwilíla. Ikava kenga inkulateka utumile lilove líkamanyikana livele mu Ibibiliya kenga, vipimo au madyavalelo lakamanyikana lakala, vaigwiniye vanu vakwigwilíla.
