Studa bu matéria dretu. Ntende dretu kel matéria pa bu pode splika-l di manera sinplis i na bus palavra.

Uza frazis sinplis i kurtu. Nbóra frazis más kunpridu pode uzadu, uza frazis kurtu pa pâpia di kes pontu prinsipal.

Splika palavras ki algen pode ka konxe. Ka bu uza txeu palavra ki algen pode ka konxe. Si bu krê uza un palavra, un algen, un medida ô un kustumu di Bíblia ki pode ka konxedu, bu debe splika-l dretu di manera ki kes algen ta ntende.