Чахсы тимнен. Пілерге оой иде паза позыңның сӧстеріңнең чарыда чоохтап пирер ӱчӱн, теманы чахсы оңнап ал.

Хысхаҷах предложениелернең паза олаңай фразаларнаң чоохтан. Узун предложениелернең чоохтанарға чарадылчатса даа, ӧӧн сағыстарны хысхаҷах фразаларнаң паза предложениелернең чоохтирға кӱстен.

Пілдістіг нимес сӧстерні чарыда чоохта. Исчеткеннерге пілдістіг нимес сӧстернең паза выражениелернең тузаланмасха кӱстен. Кізілер пілбинчеткен терминні, Библиядағы пірее кізіні, пурунғы синнерні алай кибірні адирға киліссе, оларны хайди даа чарыда чоохтап пир тур.