Longuka mbote disolo na nge. Sosa kubakusa mbote disolo na nge samu nge sala yau na mutindu ya pete mpe na bampova na nge mosi.

Sadila bafraze ya nkufi mpe ya pete. Atako yakele yimbi ve kusadila bafraze ya yinda, kasi ntangu nge zola tubila makanisi ya mfunu, sadila bafraze ya nkufi mpe ya pete.

Sasila bampova yina bantu zaba ve. Kana dikoki kele, kusadila ve bampova yina bantu kena kuwa nge zaba ve. Kana yamelomba nge sadila mpova mosi yina zabana ve, muntu mosi yina Biblia metubila kasi yandi zabana mingi ve, bamezire to mimeseno ya ntangu ya ntama, nge fueti sasila yau.