Awˬ lawn 17
Shu na gʼa tuˬ tawˇ yaw ve
1 Kawˇrenˍhtuˆ 14:9
A yeˇ yuˬ cawˇ ve: Nawˬ maˍ chehˇ ve awˬ lawn na taˍ ve chaw na gʼa tuˬ ga piˇ sheˍ.
Te tuˬ awˬ hkʼaˇ:
-
Nawˬ yehˇ tuˬ ve awˬ ceuˬ htaꞈ hkʼa dehꞈ henˇ ve. Maˍ tuˬ ve awˬ lawn htaꞈ nawˬ hkʼa dehꞈ na gʼa ve kʼo, na sha ve tawˇ leh nawˬ ve tawˇ htaꞈ yehˇ leh kʼoˆ maˍ piˇ sheˍ.
-
Nawˬ kʼoˆ tuˬ ve tawˇ cawˆ chi suhˉ˗ehˍ kʼoˆ ve. Tawˇ chi suh suh kʼoˆ hpehꞈ ve htawˇ, a yeˇ uiˍ ve htaꞈ kʼoˆ maˍ tuˬ chi suhˉ˗ehˍ ve tawˇ hkawˇ yaw sheˍ.
-
Shu tcuhˇ tcuhˬ maˇ shiˍ ve tawˇ hkawˇ kʼoˆ maˍ ve. Hpehꞈ gʼa ve kʼo, shu maˇ kaˇ jaw ve tawˇ hkawˇ taˇ yaw. Shu tcuhˇ tcuhˬ maˇ shiˍ ve tawˇ hkawˇ, Liꞈ hpu hkʼaw cawˬ ve awˬ meh, aˬ sho˗eˬ htaˇ ve tehˆ maˍ ve awˬ hkʼaˇ, maˇ heˆ leh aˬ sho˗eˬ htaˇ chaw liˇ vaˇ liˇ chi teˇ hpaˍ htaꞈ yehˇ tuˬ loˍ ve kʼo, hkʼa dehꞈ kʼoˆ maˍ piˇ sheˍ.
