Hehwojola kanawa vishina vili muchihande chove. Watela kwivwishisa kanawa chihande chove numba ukahase kuchihanjika mujila yayashi kuzachisa nawa mazu ove.

Zachisa mikuku yayihi namazu amashi. Zachisa mikuku yayihi hakulumbununa vishina vize uli nakusaka vaze vali nakukwivwilila vevwishise.

Lumbununa mazu aze kavatachikizako. Kanda kuzachisa chikuma mazu aze vahona kutachikiza vaze vali nakukwivwililako. Nge muzachisa lizu lize vahona kutachikiza vaze vali nakukwivwilila, chipwe nge muvuluka mutu umwe uze vavuluka muMbimbiliya, chipwe vipimo vyakushikulu navisemwa vyavatu kaha watela kuvilumbununa kanawa.