तुम्ही सादर करणार असलेल्या माहितीचा चांगल्या प्रकारे अभ्यास करा. तुमचा विषय तुम्ही इतक्या चांगल्या प्रकारे समजून घेतला पाहिजे की तो तुम्हाला साध्या-सोप्या व स्वतःच्या शब्दांत सांगता येईल.

छोटी व सोपी वाक्यं बोला. कधीकधी लांबलचक वाक्यं बोलली तर चालतील; पण मुख्य मुद्दे छोट्या वाक्यांत व थोडक्या शब्दांत व्यक्‍त करणं आणखी उत्तम असेल.

कठीण शब्द समजावून सांगा. लोकांना माहीत नसलेले शब्द कमी वापरा. तुम्हाला एखादा शब्द, बायबलमधील एखाद्याचं नाव किंवा जुन्या काळातलं मोजमाप अथवा प्रथा यांविषयी सांगावं लागणार असेल तर त्यांचं स्पष्टीकरण द्या.