Kuali xionmomachti tein tikonpanoltis. Moneki kuali tikonajsikamatis tamachtilis, ijkon uelis tikonmelauas ika motajtoluan uan kemej amo ouij moajsikamatis.

Xikonijto tajtolmej uan tanemililmej tein amo ouij moajsikamatiskej. Maski kuali yetok se kikuis miak tajtolmej keman se kimelauas se tanemilil tein tayekantok, okachi kuali maj se kikui amo miak tajtolmej.

Xikonmelaua tajtolmej tein amo semi moixmatij. Amo semi xikonkui nejon tajtolmej. Komo tikonkuiti se tajtol tein amo moixmati, ika tiontajtoti se akin ixnesi itech Biblia oso kemej motatamachiuaya ne uejkauj uan tein momattoyaj kichiuaskej, nochipa xikonmelaua.