Longuga muabonga diago ndaga udi naye guzuela. Kotelesa muabonga ndaga watshigina gulongesa ha gula ulongese mu luholo lualeba nu mu mbimbi jiaye hakhaye.

Zuela mu mbimbi jiazonda ha gula athu akotelese. Zuela mu mbimbi jiazonda ndaga watshigina egi athu akotelese diago.

Kotelesela athu mbimbi ashigo mujiya muabonga. Ukalegelago muavula mbimbi jishigo mujiyiwa muabonga gudi athu adi gugutegelela. Gula udi naye gukalegele mbimbi ishigo mujiyiwa muabonga, nga guzuelela muthu mumoshi wana zuelewa mu Biblia, nga giteselo gimoshi, nga khadilo dia mu tangua dikulu, kotelesela athu.