Mište tuke preštudin tiri uloha. Mište achaľuv e tema, savi rozkideha, kaj la te višvetľines lokes the peskere lavenca.

Vaker charne veti the loke lava. Šaj vakeres the bareder veti. Aľe te hazdes upre o hlavna mišľenki, vaker charne veti a tiš loke lava, mi lokes achaľon.

Višvetľin lava, so na prindžaren. Ma leper but ajse lava, save o manuša na prindžaren. Aľe te len kampel te leperel, ta len mište višvetľin. Te vakeres pal o manuš andal e Biblija, saves na prindžaren, abo pal o čirlatune inepi, vahi, abo mjeri, mek vareso dode kije, kaj savore te achaľon pal soste džal.