Διαβάνεν λατσσές οντουλά σο τθερένα τι κερέν τουμαρέ θεμάσαρ. Αγαβέν λατσσές τουμαρό θέμας για τι μπορίνεν τι εξηγίνεν-λες απλά ντα τουμαρέ λαφίντζαρ.

Τι χρησιμοποιήνεν χουρντέ προτάσεις ντα απλές φράσεις. Παρόλο σο νανέ λάθος τι χρησιμοποιήνεν μπαρέ προτάσεις, τι βακερέν ο σημαντικά σημεία με φράσεις ντα προτάσεις σο ισί χουρντέ.

Τι εξηγίνεν ο πράγματα σο να τζανένα ο τζενέ σο ασουνένα-τουμέν. Άμα αβέλα-πες, μα βακερέν φράσεις ή λέξεις σο να τζανένα ο τζενέ σο ασουνένα-τουμέν. Άμα πρέπει τι κερέν λάφι για κάτι σο να τζανένα οντουλά σο ασουνένα-τουμέν, σαρ για παράδειγμας για εκ λέξη, εκχέ τζενέσκε κατά Γραφή, για το τρόπος σο γκινένας ο τζενέ κο πουρανέ μπρεσά ή για εκ συνήθεια, εξηγίνεν λένγκε ι σημασία λέσκι.