SIFUNDVO 17
Iyakhanya Futsi Ivakala Kahle
1 Khorinte 14:9
LOKUFANELE UKWENTE: Sita labo labakulalele kutsi bawuve kahle umlayeto lowetama kuwendlulisela.
INDLELA YEKUKWENTA:
-
Yidadishe uze uyati inkhulumo yakho. Sati kahle sihloko kutsi sikhuluma ngani kuze utokhona kusichaza melula nangemavi akho.
-
Sebentisa imisho lemifishane nemagama lamelula. Nanobe imisho lemidze yemukelekile, kodvwa sebentisa emagama kanye nemisho levele icondze endzabeni.
-
Wachaze emagama langaketayeleki. Ungawasebentisi emagama nobe inkhulumo lengakatayeleki kulabo labakulalele. Nangabe utawusebentisa emagama langakatayeleki, kungaba ngumuntfu lokukhulunywa ngaye eBhayibhelini, noma emasiko asendvulo, wachaze kahle.