CIGONDZO 17
Wulawula timhaka ti tekelako ku zwala
1 Va Le Korinte 14:9
LEZVI U FANELEKO KU MAHA: Vhuna lava u bhulako navo lezvaku va zwisisa a mahungu ya wena.
U TA ZVI MAHISA KUYINI?
-
Gondza mahungu ya wena zvi buvha. Zwisisa khwatsi a mhaka yontlhe kasi u zvi kota ku tlhamusela hi ndlela yo olova ni hi magezu ya wena.
-
Tirisa tifrazi to koma ni to olova. Hambu lezvi a tifrazi to leha ti kalako ti nga bihangi, tlhamusela timhaka-tshinya hi tifrazi to koma ti tekelako kuba mhaka.
-
Tlhamusela magezu ma nga tiviwiko khwatsi. Loku zvi koteka, u nga tirisi magezu ma kalako ma nga tiviwi hi lava u bhulako navo. Loku zvi kurumeta ku u tirisa gezu gi nga tiviwiko khwatsi, munhu wo kari a kumbukiwako lomu ka Bhibhiliya, lipimo lo kari la cikhatini leco kutani mukhuwo, u fanele ku tlhamusela.
