Умой дасяськы. Пыр-поч валаны тыршы сое, мар сярысь вералод. Соку тон быгатод сое капчи но ас кылъёсыныд вераны.

Вакчи предложениосын но огшоры кылъёсын вера. Кузь предложениосын но вераны луэ ке но, валтӥсь малпанъёссэ умойгес луоз валэктыны вакчи но валамон предложениосын.

Тодмотэм кылъёсты валэкты. Луэ ке, эн куты кылъёсты но веранъёсты, кудъёссэ кылзӥсьёсыд уг тодо. Тыныд верано ке тодмотэм кылэз, Библиысь кыӵе ке адямиез, вашкала вакытысь кыӵе ке весэз, быдӟалаез яке калык сямез, одно ик валэкты сое.