Xakʼalxokt tubeel. Ilawil a naʼatik tubeel le baʼax ken a kaʼansoʼ, beyoʼ yaan u páajtal a tsolik yéetel le tʼaanoʼob suuk u meyajtechoʼ yéetel yaan u séeb naʼataʼal.

Maʼ a sen chowakkíintik a tʼaan. Maʼ u meyajtech yaʼab tʼaanoʼob utiaʼal a tsolik junpʼéel baʼal, baʼaxeʼ aʼal juntaatsʼ.

Tsol le tʼaanoʼob maʼ jach suuk u yaʼalaʼaloʼ. Maʼ u sen meyajtech tʼaanoʼob maʼ jach kʼaj óolaʼanoʼobiʼ. Wa kʼaʼabéet a waʼalik junpʼéel tʼaan maʼ jach kʼaj óolaʼan —jeʼex kéen tʼaanakech tiʼ wa máax ku yaʼalaʼal teʼ Biblia, tiʼ junpʼéel úuchben pʼiis wa tiʼ baʼax suuk u beetaʼal úuchjeakileʼ— tsol baʼax u kʼáat u yaʼale.