Biʼniʼ estudiar chaahuiʼ información stiluʼ. Naquiiñeʼ guiene chaahuiluʼ tema stiluʼ ti cadi gaca nagana para lii gusiéneluʼ ni ne ganda gúniluʼ ni né ca diidxaʼ si stiluʼ.

Biquiiñeʼ frase nachucu ne diidxaʼ ni cadi nagana. Neca gastiʼ naca iquiiñeluʼ frase ziuulaʼ, jma galán iquiiñeluʼ frase nachucu para gusiéneluʼ ti puntu principal.

Bisiene ca diidxaʼ ni huaxiéʼ runibiáʼ binni. Cadi tan iquiiñeluʼ cani ne pa chiguzeeteluʼ ti diidxaʼ nagana, chiguiniʼluʼ de ti binni ruzeeteʼ Biblia, ti medida o costumbre ni guyuu dxiqué, peru huaxiéʼ runibiáʼ binni ni la?, bisiene ni.