SAKA 18 FEDENGAN
Mitongal to Sifanaˈ no Mitengilay
1 Korinto 9:19-23
KALIMLAAN: Tano mitemeray to falocoˈ a pakayraan patenak to sifanaˈ, ho ngaˈay mananam no tamdaw ko kimad.
HAPAKAYRAAN:
-
Sinanoten to hakowaay ko kafanaˈ no mitengilay tora lalakaw. Aka sa tikotikol han ko kafanaˈanto a kimad, safaelohen a mitadtad, milomal to sifanaˈ, hongaˈ faeloh ko noka cipinang.
-
Sopeden ko lalakaw ato calepen a misimsim. Ano ngaˈayay i, kidaten ko masowalay no sinpong a demak, anca cowa ko kafanaˈan no tamdaw a lalakaw a somowal. Calepen mifolfol kora mikidatan a lalakaw, haratengen to samaanay milingat to lalangian.
-
Sowalen to ngaˈayay sakadademaken kora lalakaw. Sowalen to samaanen a misakadademak to kalimlaan no sinael itini i kaˈorip. Patinakoen a mitadtad, ano malitemoh ko maanan pakayraan i, sasamaanto mifalic ko mitengilay to piharateng ato mamidemak to maanan a demakan.