Tingbaot ol save we oli gat finis. Sipos oli save wan samting finis, yu no ripitim nomo, be yu mekem oli tingbaot long wan niufala fasin.

Mekem risej mo tingting dip. Blong soemaot wan stamba poen, yusum sam save we ol man oli neva tingbaot bifo, o wan nius we oli no save yet. Tingting dip long ol niufala save ya blong meksua se i stret long tok blong yu.

Soemaot olsem wanem blong yusum save ya. Eksplenem olsem wanem ol poen we oli kamaot long Baebol oli save givhan long laef blong yumi. Maet yu tokbaot sam samting we oli hapen long laef, sam tingting o aksen we ol man oli save gud.