LÈSON 18
Édé sé moun-la aprann on nouvo biten
1 Korentyen 9:19-23
SA POU-W FÈ : Fè sé moun-la ki ka kouté-w la réfléchi asi on biten ki ka entérésé-yo, konsa yo ké santi yo aprann on biten ki itil.
KIJAN POU-W FÈ :
-
Tchenn kont dè sa sé moun-la ja konnèt. Olyé ou kontanté-w répété on biten yo ja tann, lè ou ka palé ba yo, fè-yo vwè léchòz ondòt jan.
-
Fè rèchèch é pran tan réfléchi. Chèché enfòwmasyon ki fré oben biten moun pa byen konnèt pou èspliké sé lidé enpòwtan la. Gadé byen si sé enfòwmasyon-lasa k’ay èvè sijé-la.
-
Montré sé moun-la kijan sa ou ka di itil. Èspliké kijan sé vèwsé-la ki adan Bib-la pé édé sé moun-la adan vi a yo. Palé dè biten ki ka konsèwné sé moun-la ki ka kouté-w la. Sé pé sa moun ka viv, sa moun ka pansé, oben sa moun ka fè.
