REIREI 18
E na Kakaongora ao ni Manena Nakoia Taan Ongora
1 I-Korinto 9:19-23
KABWARABWARAANA: Kammwakura aia iango taan ongora, bwa a aonga n ataia ae iai reireiaia ae reke mai iai.
ARONI KARAOANA:
-
Iaiangoa te bae a a kaman ataia taan ongora. N oneani mwin are ko na kaokiokii baike a a tia n atai mai mwaina, buokiia bwa a na karekea reireiaia ae kaokoro ma are a taneiai iai.
-
Karaoa am kakaae ao kananoa am iango. Ngkana e angaraoi, taekini baike a tuai n ongo mai mwaina ke baika tibwa riki, ni kamataatai iai reirei aika kakawaki. Iaiangoa raoi am reirei ao irekerekena ma baike ko kan taekin.
-
Kaota manenan am reirei. Kabwarabwaraa bwa a na kangaa taan ongora ni buokaki ni maiuia ni katoabong man reirei aika kakawaki n te Baibara. Maroroakini kangaanga, aroaro, ke mwakuri riki tabeua, aika kaineti riki nakoia taan ongora.
