Obheas 18
Aiknnareank Xikonk Melltta Toxem Korop
1 Korintkarank 9:19-23
KITEM KORCHEM: Aiknnareank chintunk hurba di. Tankam kitem tori mhotvachem xikonk mellʼllem mhunn disonk zai.
HEM KOXEM KORCHEM:
-
Aiknnaram kitem zannam tem ugddas dovor. Aiknnaram kitem zannam tench porot sangche bodlek, tankam to vixoi novea nodren pollounk adar di.
-
Sodh kor ani niall kor. Favo tednam mukhel mudʼde somzaunk halincheo ghoddneo vo her ghoddneo sang. Tum uloita tea vixoi-a modem ani tea ghoddne modem kitem sombond asa tem chint.
-
Tuzo sondex koso upkarta tem dakhoi. Bible-antle mudʼde sodanchea jivitant koxe faideak poddttat tem somzonk aiknnareank adar kor. Aiknnareank lagu zata tosli poristhiti, sobhav ani korneam vixim bhasabhas kor.