NUPỌNNAMẸ 18
Mẹplidopọ lẹ Ni Mọ Nude Plọn
1 Kọlintinu lẹ 9:19-23
BLADOPỌ: Hẹn mẹplidopọ towe lẹ lẹnnupọn bo dike yé ni mọdọ emi mọ nujọnu de plọn sọn nuzedonukọnnamẹ towe mẹ.
NUHE A NA WÀ:
-
Lẹnnupọndo nuhe hosetọ towe lẹ ko yọnẹn lẹ ji. Kakati nado to nuhe yé ko sè wayi lẹ vọ́ dọna yé poun, gọalọna yé nado lẹnnupọndo hosọ lọ ji sọn pọndohlan devo mẹ.
-
Dindonanu bo lẹnayihamẹpọn. Eyin e yọnbasi, yí nudọnamẹ he mẹlẹ ma jẹakọ hẹ sọmọ lẹ kavi nujijọ agọe tọn lẹ zan nado basi zẹẹmẹ linlẹn tangan lẹ tọn. Yí sọwhiwhe do lẹnnupọndo hosọ towe po kanṣiṣa he e tindo hẹ nudọnamẹ he a to linlẹn nado yizan lẹ po ji.
-
Do yọ́n-na-yizan nuhe dọ a te tọn hia. Do lehe nuagokun he to wefọ lẹ mẹ sọgan gọalọna hosetọ towe lẹ to gbẹzan egbesọegbesọ tọn yetọn mẹ do hia yé. Dọhodo ninọmẹ, pọndohlan po nuyiwa tangan delẹ po ji he gando hosetọ towe lẹ go.
