Ka yi la’akari da abin da masu sauraronka suka sani. Maimakon ka gaya musu abin da suka sani a dā, ka taimaka musu su fahimci batun a wata hanya dabam.

Ka yi bincike kuma ka yi tunani. Idan zai yiwu, ka ba da labarin da mutane ba su sani sosai ba don ka bayyana darussa masu muhimmanci. Ka yi tunani sosai game da batun da kake tattaunawa da kuma yadda binciken da ka yi ya jitu da batun.

Ka nuna musu muhimmancin maganarka. Ka bayyana yadda bin ƙa’idodin Littafi Mai Tsarki za su taimaka wa masu sauraronka a rayuwarsu. Ka faɗi yanayi da halaye da kuma abubuwan da suka shafi masu sauraronka.