Հաշվի առ, թե ինչ է արդեն հայտնի ունկնդիրներին։ Փոխանակ պարզապես կրկնելու այն, ինչ ունկնդիրներն արդեն գիտեն, օգնիր նրանց նոր տեսանկյունից նայելու այդ թեմային։

Փնտրտուք արա և խորհրդածիր։ Կարևոր մտքերը լուսաբանելու համար հնարավորության դեպքում ներկայացրու քիչ ծանոթ փաստեր կամ խոսիր որևէ ընթացիկ իրադարձության մասին։ Լավ ուսումնասիրիր ներկայացվելիք նյութը և մտածիր, թե այն փաստերը, որ պատրաստվում ես հիշատակել, որքանով են առնչվում տվյալ նյութին։

Ցույց տուր՝ ինչով է օգտակար տեղեկությունը։ Բացատրիր, թե աստվածաշնչյան տարբեր մտքեր ինչպես կարող են օգնել քեզ լսողներին իրենց առօրյա կյանքում։ Խոսիր նրանց առնչվող կոնկրետ իրավիճակների, տեսակետների և արարքների մասին։