Ripurira ku imbi ovapuratene voye mbi mave tjiwa rukuru. Ve vatera kutja ve hare oumune oupe ohunga nepu ndi mo hungirire ko nandarire kutja otjiṋa tji va zuva rukuru.

Tjita omakonḓononeno nu ripurira ko oukoto. Tji mape sora, hungirira koviṋa ovapuratene voye mbi ve hi nokutjiwa nawa poo oviṋa mbya tjitwa oupe okukahurura omapu omananḓengu. Ripurira oukoto koviṋa mbi mo kahungirira ko nombwaneno ndji ri pokati kondjivisiro ndji, nepu ndi mo vanga okukahungirira ko.

Raisa ounanḓengu wombuze yoye. Kahurura kutja omapu nge ri mOmatjangwa maye yenene vi okuvatera ovapuratene voye mongaro yeyuva arihe. Hungirira kozongaro, kovikaro novitjitwa ovinanḓengu kovapuratene voye.