Tadila mambu yina bantu yina kena kuwa nge mezaba deja. Na kisika nge vutukila kaka mambu yina bamekuwaka, sadisa bau bamona diambu ya yimpa na disolo na nge.

Sosasosa mpe yindula na mpinda. Kana dikoki kele, kotisa mambu yina bazaba ve to mambu yina mekatuka salama, samu na kutubila makanisi ya mfunu. Yindula na mpinda disolo na nge mpe nguizani yina kele kati na disolo na nge mpe mambu yina nge kena kana kutubila.

Monisa bantu mfunu ya nsangu yina nge kena kutubila bau. Sasila mutindu makanisi ya Biblia lenda sadisa bantu yina kena kuwa nge na luzingu na bau ya konso kilumbu. Tubila mpenza mambu, bikadulu, mpe makanisi yina metadila bantu yina kena kuwa nge.