SOMO 18
Addi longa bblo nidhó lo rr ná ndrŭ dho
1 Wakorinto 9:19-23
LO DZÁ DɄNGA: Aliri nidhó lo rr ná ndrŭ ddinga ni loti djo ná lo djo, ndiro kpa nja ndima jifunza nari kʉ lazima dhi lo nari d’e.
RI NI KA NI NJÍ NÁ CHU:
-
Addinga b’lo ndrŭ churie ná lo djo. B’lo kpa rr rie ná lo djolu dhé ni ngʉé nari rɨngana ako kpa tsotso ndima nja fø lo nja d’i kʉ ná chu na.
-
Anji utafiti ndirigoti addinga lo djo bbo. Ngbà ri ka ró, anjinjí nzá chuni bbo ná lo na inga ø njini ná lo na ndiro ni tu bbo na mana kʉ ná lonanga d’e. Addinga bbo ni ji ni ddi ná lo djo ndirigoti anja ngbaribbai ma ri ma ronga nju ni po ná lo na nari.
-
Adho nidhó lo dzá bblo nga. Atu ngbaribbai ma Biblia nǎ kʉ ná lo ka ndi kó nidhó lo rr ná ndrŭ tsotso ndima dhó maisha nǎ nari nanga. Atilo nidhó lo rr ná ndrŭ dhó lo na gbani ná lo djo ndirigoti kpa nji ná lo djo.
