CIIYO 18
Makani Bamwi Ngeenga Beeyawo
1 Bene Kolinto 9:19-23
CITEENTE CINENE: Amulengeshe batookutika kuyeeya pamakani ngomutokwaambawo kwaamba ayi ndyemwamanisha likani lyanu banyumfwe ayi beeyawo comwi.
NSHOMWEELETE KUCITA:
-
Amuyeeye makani batookutika ngobeshi kale. Muciindi cakubooshawo makani batookutika ngobakanyumfwawo kale, amwiishe munshila yeenga yabapa kubona makani ayo munshila njebatana kuyeyawo kale.
-
Amulangweetewo makani akuyeeyawo. Na kacikonsheka, ndyemutosansulula shiteente shinene, inga mwaambako makani batookutika ngobateshiwo na mpashi makani atoocitika mucishi. Amuyeyewo abuumbi pamakani ngomutolibambila mbwatoocatana ashiteente nsheshi mwaambewo.
-
Amucafwe batookutika kubona nshebatokwiiya palikani. Amusansulule Malembo mbweenga abacafwa batookutika mubuumi bwabo. Amwaambe nsheenga beeyawo pashintu shicitika, bantu mbobabete na mbobacita shintu.